Friedensflotte Salzburg

Mia hom uns um virschtl nach drei (oba in da Fria) in da Firma troffn. Nach Kontrolle da Taschn und vom andan Klumpat hot uns da chaffeur in Behofen unta da Bruckn ausgsetzt, wo ins donn da Bus mit unserer Skipperin abghoit hot. Wissts es eigentlich wia finster das is um de Zeit unta ana Bruckn?
Stunda spata…………………….Biograd!
Don hom´a einiges zan doan ghobt: Taschn und Klumpat zsomsuachn, Schifi suachn, eirama und don scho wida woatn. Desmoi woas ned so finster!
Nochn Essn sama zum Schifi zruck und heian gonga. Gut ench nocht!

Aufgrund von Geruchsbelästigung konnte eine Dusche nicht mehr ausgeschlossen werden. (Da dieser Satz sehr schwer einzudeutschen ist, wurde er in Hochdeutsch formuliert.) auf guad deutsch: Gstunkn hom´a.
Noch Scho–Ping in Biograd inlusive Muggifuk trinken, sama z´Mittog umadum ausglafn. Ocha gschmotzt und gwachet hots – sackeweis gspiem is won!
Am spadan Nochmittog hom´a uns donn in ana Buchd zan Bärli (Laube 1/ Kruh 1) zui ghengt. Nochdem mia eana an Honkongschoda zsamgfuadat hom (is in insan Hefn gmocht won), hot ins da Bärli wida doni gjogt. Zwengs´n wachön und an speim.

Nochn zkeit sei und rean, wei ma ned duschn hom kenna, san ma noch Skradin aufe gseglt. Do mia dohin ned nua zwengs an duschn hingseglt san, homma uns no de wossafoi o´gschaut. K´hatscht sam´ma, gratscht hom´ma, gmeitert hom´ma - hod wos gnutzt: Eis kriagt. Auf d´Nocht is zsam kukt won, gessn homma und bam UNO – Spiel is bschissn woan, woos des zeig k´hoitn hot.

Leutln glab´s es oda ned – o´glegt hom´ma uma sexe (in da frua). Wind, Regen, Sonne – DREI WETTER DAFT – Frisur hält! De vierzg meiln noch Biograd zrugge hom´ma logga bockt. Obndteia pur – die Frisur hält noch immer. Nochm supan Onlegemanöva is Schifi o´bundn woan, Müll varamt, eikaft fias Obndessn, Koschtn gschriebn (fia de de hintenbliebn san), guad kocht, gessn, ned gratscht. Oba de gresste Gaudi hom´ma bam diskutian fias Logbiachi – schreiben k´hobt – 4 Mädls mit ana perfektn frisur.

Heit samma mitn us noch Zadar grauscht, damit ma wida moi so richtig Scho-Ping hom kenna. Beim o-bindn fan Schiffi is donn oana vo ins d`Hosn zrissn. De hat si um a neie schaun miassn (guat das do vü gescheftln gem hot). Kaffedln homma natirli a miassn. Gschnochts samma zan „Friedensfest“ gonga. Sche is gwen … d`Kinda hom uns mit Hupfn, Springa und Tonzn untahoitn.

Vo Biograd samma in oana „Formationsfoaht“ (olle 105 Schiffi) ausglaffn. Dabei fü, fü
Luftballons aufsteign lossn, des woa sche! Donn samma in Hofn gseglt wo ma vo di Bayern zan Grilln einglodn gwesn sand – Tschi-Vap-Tschi-Tschi hots gem. Ah! Voher homma a gessn – in da Bucht Soline. De Klekheschtn san sogoa ins Wossa ghupft. Supa Tog gwen.

Heit samma wida retur noch Biograd gesglt. Do san a boa neiche Leitln za uns gstossn, de ma a sofurt gean ghob hom. Hiaz woas Zeit, das ma an neichn Manöverschluck kafft hom. Hicks und aus, finsta woan – schlofn gonga

Wenig brutalen Stuam samma heit nied so gach ausglaffn. Davie samma mitanonda bummln und Scho-Ping gonga. Und wie ma soo brav woan, homma a a eis kriag. Umma fiere samma nond decht ausglaffn, hui do hots gstuamb und hot uns 3 – 4 Meta hoche Wö`n um des Schiffi umatuscht. Des woa gscheit heftig …………!
Beim oleng het ma de Muring wegschmeissn soin, owa des homma bessa nied do, wei!!! De kriag ma jo NIA WIDA! Owa se homs ins trotzdem aus da Hond grissn.
In ana Bucht homma nond iwanocht.

Boid a da fria samma wida grauscht – Richtung Matinschitza. Des woa a weida Weg, bei an stoakn Seegong. Auf d Nocht homma mitanonda kocht, Pestonudln hot´s gem und nocha, homma insre nied so schen Gedonkn vabrennt – woa a sches Ritual. Donn no a bissei Neiche Post glesn, gstoine Klubbal varramt und wida heian gonga.

A poar va da Kru woan heit a wengal blau. Van Obschied feian. Owa mia sand trotzdem ausglaffn und hoam noch Pula gseglt. Mia homb ins oi scho auf dahoam gfreit. Nochdem ma in da Veruda okemma sand, de Skipparin im Dianagwandl, homma insan Krempr zsaumpockt und sand wida hoam a insan Pinzga groast.